سری دیوی کا آنچل

Enter your search terms

Web hujra.net Submit search form

[dimple]

سری دیوی جیسی خوبصورت فنکارہ کو کوئی کیسے بھول سکتا ہے۔ وہ آج بھی اپنے فلمساز شوہر بونی کپور اور دو بیٹیوں کے ہمراہ ہی پارٹیوں میں نظر آتی ہیں۔ اتنی پرکشش کہ آج کی اداکاراؤں کو ان سے حسد ہونے لگتی ہے۔ بونی انہیں کبھی علیحدہ نہیں چھوڑتے وہ اپنی خوبصورت بیوی کے آنچل سے ہمیشہ بندھے رہتے ہیں۔ ایک پارٹی میں ایک فوٹوگرافر نے کوشش کی کہ وہ سری دیوی کی علیحدہ سے تصویر اتارے اس کے لیے انہوں نے بونی کو الگ ہٹنے کے لیے کہہ دیا۔ بس کیا تھا بونی بھڑک اُٹھے۔ انہوں نے کہا کہ سری ان کے بغیر فوٹو نہیں کھنچواتی ہیں اس دوران سری دیوی خاموش رہیں اور بیچارے فوٹوگرافر کو ان کے ایک ساتھ فوٹو کھینچنے پر اکتفا کرنا پڑا۔

[dimple]

انڈرویئر بیچنے کے لیے اگر کوئی پانچ سے دس کروڑ روپیہ دے گا تو کون کافر ہے جو اس سنہری موقع کو ہاتھ سے چھوڑ دے!!!!!! نہیں ناں ۔۔۔۔ تو پھر یہی وجہ ہے کہ آج کل انڈسٹری کا ہر کامیاب ہیرو اسے بیچ رہا ہے۔ سلمان خان سے شروع کریں تو پھر رتیک روشن ، اکشے کمار اور اب کنگ خان یعنی شاہ رخ خان بھی۔۔۔۔۔۔

[dimple]

عامر اور راج کمار ہیرانی کی فلم تھری ایڈیٹس پورے چھ ایوارڈز جیت کر سال کی بہترین کامیاب فلم ثابت ہوئی۔ امیتابھ بچن اور ان کی پوری فیملی کچھ ناراضگی کی بنا پر اس پروگرام میں شریک نہیں ہوئے لیکن ان کی ہوم پروڈکشن فلم ’پا‘ میں انہیں بہترین اداکار اور ہیروئین ودیا بالن کو بہترین اداکارہ کا ایوارڈ ضرور ملا۔

[dimple]

قطرینہ بنیں گی مادھوری

قطرینہ کیف آج کل مادھوری دکشت کی فلموں کی ڈی وی ڈی دیکھ رہی ہیں۔ ان کی طرح اداکاری کے لیے نہیں بلکہ ان کی طرح رقص میں ٹھمکے اور جھٹکےلگانے کے لیے۔ کوریو گرافر اور ہدایت کار فرح خان اپنی فلم ’تیس مار خان‘ میں کیٹ بے بی سے دیہاتی رقص کروانا چاہتی ہیں اور سب جانتے ہیں کہ ایسے رقص میں مادھوری دکشت کی اداؤں سے بہتر ادائیں کون کر سکتا تھا اس لیے فرح صرف ایک رقص کے لیے کیٹ کو پندرہ سے بیس دنوں کی تربیت دیں گی اور اس کےبعد رقص فلمایا جائے گا۔