HI members

Enter your search terms

Web hujra.net Submit search form

[dimple]

Mujhay di khabar teray shehr say idhar aanay wali hawaoon nay
K bana liye naye dairay teri dharkanoon ki sadaoon nay

Ghum-e-dehar nay meray ishq k baal-o-paar he noch k rakh diye
Main uraaan loon bhi tou kaisay loon teri aarzoon ki fizaon main

Na gaye kabhi meri bay-basii ye ajeeb hadsa mujh say hai
Wohi faslay teray shehar k, wohi bay-riyaan meray paoon main

Teri qurbatoon ki udas rut mujhay lamha lamha liye phirii
Kabhi meray dard ki dhoop main kabhi terii yaad ki chaoon main

Tu humesha mujh main basii rahay main dua Khuda say karoon magar!
Woh tou mil gaya kisi aur ko, jo asar tha meri duaoon main

Woh hai zindagi say bhi kuch haseen, main baghair jis k na jee sakoon
Jo yahan nahi tou Qateel usay kabhi ja miloon ga khalaoon main

[dimple]

kabhii kabhii mere dil meiN Khayaal aataa hai

k zindagii tirii zulfoN ke narm chaaoN meiN
guzarne paati to shaadaab ho bhi saktii thii
ye teeragi jo miri zeest ka muqaddar hai
tirii nazar ki shu’aaoN meiN kho bhi sakti thii

ajab na thaa k maiN begaana-e-alam ho kar
tirii jamaal ki ra’anaaiyoN meiN kho rahtaa
tiraa gudaaz badan terii neembaaz aaNkheiN
inheeN haseen fasaanoN meiN mahv ho rahtaa

pukaarti mujhe jab talKhiyaaN zamaane ki
tire laboN se halaavat ke ghooNT pee letaa
hayaat cheekhti phirti barhanaa sar aur maiN
ghaneri zulfoN ke saaye meiN chhup ke jee letaa

magar ye ho na sakaa aur ab ye ‘aalam hai
k tuu nahiiN tira Gham , teri justajoo bhi nahiiN
guzar rahii hai kuchh is tarah zindagii jaise
ise kisii ke sahaare ki aarzoo bhi nahiiN

zamaane bhar ke dukhoN ko lagaa chukaa houN gale
guzar rahaa houN kuchh anjaani rah-guzaaroN se
muheeb saaye mirii samt baRhte aate haiN
hayaat-o-maut ke purhaul KhaarzaaroN se

na koii jaagaa, na manzil, na roshnii ka suraag
bhaTak rahii hai KhalaaoN meiN zindagii meri
inhii KhalaaoN meiN rah jaaouNgaa kabhii kho kar
maiN jaantaa houN mirii ham nafas magar yuuN hi

kabhi kabhi mere dil meiN Khayaal aataa hai...

[dimple]

 Her aik shab meri taza azab main guzri !Tumharay baad tumharay hi khwab main guzri !!
Main ek phool hon wo mujh ko rakh ke bhool gaya !Tamam umr usi ki kitab main guzri..

[dimple]

 USSE CHAHA BI AGAR TO IZZHAAR NA KARNA AYA...KATT GAYI UMMAR SARI HUMME PYAR NA KARNA AYA....USSNEY MANGA BI GAR TOH JUDAYI MANGI....AUR HUMME INKAAR BI NAA KARNA AYA